მთავარი » 2011 სექტემბერი 29 » თავისუფლება
7:44 PM თავისუფლება | |
ადამიანი დიდი კითხვის ნიშნით. ადამიანი–არსება დაუოკებელი მადით და გაუმართლებელი მიზნებით. არასდროს მიფიქრია იმაზე, რატომ დავირქვით სამყაროს გვირგვინი სახელად. ალბათ იმიტომ, რომ გვირგვინი– სიმბოლოა გაუმართლებელი, სასტიკი და ეგოისტური მმართველობისა. ნებისმიერი სულდგმული მთელს სიცოცხლეს წინასწარ გაწერილი გეგმით და მიზნით გადის. რისთვის ცხოვრობს ადამიანი, რატომ ცდილობს ხანმოკლე ცივილიზაციასთან არათავსებადი სიცოცხლის– დამანგრეველი აღმოჩენებისთვის ხარჯვას?
ადამიანი ცდილობს საკუთარი ულიმიტო მოთხოვნილებების დაკმაყოფილებას სიცოცხლის პირველი წუთებიდან. ადამიანი ცდილობს, სამოთხე მოიწყოს სიცოცხლეშივე დედამიწაზე. რა თქმა უნდა ამას ბოლომდე ვერასდროს ახერხებს და ამ ოცნების დაჯერებას მერე სხვა, მომავალ ადამიანებს აიძულებს. ადამიანებმა ვერ გავაცნობიერეთ, რომ ვნებიანი სიყვარული, სამყაროს ყველა არსებული კანონით, სექსის დასაწყისიდან მის დასასრულამდე გრძელდება. გამოვიგონეთ მორალი, ეთიკა, ერთგულება და წესები ამ ყველაფრის რეგულირებისათვის. ჩვენი ცხოველური საწყისის ჩაკვლას ვცდილობთ დასაბამიდან და ღმერთთან მიახლოება პრინციპულად არ გვინდა. სადღაც სამყაროს შუაგულში გავიჭედეთ და "არც მიწისა ვართ არც ცისა”. და საერთოდ "რანი ვართ?”. რანი ვართ და ღვთიური სულის მატარებელი ცხოველური ჭურჭელი, რომელსაც მიწა და ზეცა ცალკე–ცალკე ექაჩებიან. ადამიანი უუნაროა საკუთარ თავს დაემორჩილოს და სამყაროსთან ჰარმონიაში მოვიდეს. ადამიანი ყველაფერს აპროტესტებს– რაც ყველაზე სასარგებლოა მისი სრულყოფისთვის. სიამოვნების მიღებაზე "ჩალიჩობს” თავიდან ბოლომდე. კვება, სექსი, გართობა– ეს ის ბერმუდის სამკუთხედია, რომლიდანაც გამოღწევას სიკვდილამდე ვერ ახერხებს. ამ დაწყევლილი სამკუთხედიდან გამოსვლის ერთადერთი გზა, ამ სამი სიამოვნების დაბალანსებული მიღებაა. როცა გული მართავს–ქაოსი მეფობს. როცა გონება–იდეალური წესრიგი. ოღონდ ძალიან ცოტაა ისეთი ადამიანი– ვინც ახერხებს, რომ გულს უბრძანოს და საკუთარი თავის შემდეგ, სამყაროსთან მოვიდეს ჰარმონიაში. ადამიანი მადლიერების გრძნობას ემშვიდობება და დარწმუნებული ვარ, მალე საერთოდ ცხოველებს მიაწერს ამ თვისებას. როდის განიცადე ბოლოს მადლიერების გრძნობა? დიდ ხანს გაგყვა მისგან მიღებული ემოცია? ვისი მადლიერი ხარ? შენ თუ გემადლიერება ვინმე? "დამამადლა”– პირველი მადლიერების საწინააღმდეგო, მისი გარყვნილობამდე ამორალურად გამომხატველი სიტყვაა, რომელიც ისევ ადამიანმა წარმოთქვა მას შემდეგ რაც, მობეზრდა მადლიერების გამოხატვით, ბუნებრივად დაკისრებული მორალური ვალდებულებების შესრულება. ვალდებულება– ყველა ადამიანისთვის საძულველი გრძნობა და უფრო საძულველი სიტყვა. რატომ არ არის სასიამოვნო ვალდებულების შესრულება, რაც არ უნდა მარტივი გასაკეთებელი იყოს? – იმიტომ , რომ სხვისი მიზეზით გამოწვეული მოქმედებების შესრულება, ეგოიზმს უკანა პლანზე წევს და მიუხედავად იმისა ხდება თუ არა საკუთარი ინტერესების და სურვილის თანხვედრა ვალდებულებასთან– უკუქმედებას იწვევს, ქვეცნობიერის დონეზე თავისუფლების ხელყოფასთან ასოცირდება. და აი ყველა ადამიანის ბოროტების მიზეზი– თავისუფლება– ადამიანური ინტერპრეტაციით. რა არის თავისუფლება? რაში გამოიხატება ეს გრძნობა? როგორია თავისუფალი ადამიანი? ძალიან გთხოვ მოიცილე ცოტახნით ეგოიზმი, დაფიქრდი და თუ არ გეზარება მიპასუხე. დარწმუნებული ვარ კარგად ნაცნობს თავიდან აღმოაჩენ და ეს აღმოჩენა გაგაბედნიერებს. მოვისმენ, გიპასუხებ და გავიზიარებთ ერთმანეთის მნიშვნელოვან აზრს, ყველა შეკითხვის ერთადერთ პასუხზე. რა არის თავისუფლება? | |
|
| |
| სულ კომენტარები: 38 | 1 2 3 4 » | ||||||||||
| |||||||||||
| 1-10 11-20 21-30 31-38 | |||||||||||
დღის ვიდეო
საათი
საიტის მენიუ
დღის მუსიკა
კალენდარი
| « სექტემბერი 2011 » | ||||||
| ორ | სამ | ოთხ | ხუთ | პარ | შაბ | კვ |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | ||
ჩანაწერების არქივი
ჩვენი გამოკითხვა
დაწერე ის რაც გინდა
საიტის მეგობრები
სტატისტიკა
სულ ონლაინში: 1
სტუმარი: 1
მომხმარებელი: 0
რეიტინგი
